ამასთან დაკავშირებით კომენტარი ინგლისის ნაკრების ყოფილმა ფეხბურთელმა კარლტონ პალმერმა გააკეთა.
"ვულვზი ახლა ისეთ სიტუაციაშია, რომ იანვარში გაძლიერება აუცილებლად სჭირდება, რათა პრემიერ ლიგაში დარჩენის შანსები შეინარჩუნონ და არ გავარდნენ.
მათ ჩაკვეტაძის შეძენა სურთ და ვფიქრობ, ის იდეალური ფეხბურთელია, რომ ვულვზს გადარჩენაში დაეხმაროს. თუმცა არის მეორე აზრიც - უოტფორდმა სეზონი ნორმალურად დაიწყო და პრემიერ ლიგაში დასაბრუნებლად იბრძვის, ამიტომ ჩაკვეტაძე მათაც სჭირდებათ", - განაცხადა პალმერმა.
ცნობისთვის, 9 ტურის შემდეგ, ვულვზს მხოლოდ 2 ქულა აქვს და სატურნირო ცხრილში ბოლოსწინა ადგილს იკავებს.
