შეხვედრის დასრულების შემდეგ, ხვიჩა კვარაცხელიამ La Gazzetta Georgia-თან ინტერვიუში საინტერესო თემებზე ისაუბრა:
"პირველ რიგში მადლობა. ძალიან ბედნიერი ვარ, რომ აქ ვარ — ყველა კარგად მექცევა. ვგრძნობ, რომ ერთადერთი რაზეც უნდა ვიფიქრო არის ფეხბურთი და ვარჯიში, დანარჩენი ყველაფერში კლუბი მეხმარება. ბედნიერი ვარ პსჟ-ში ყოფნით, ამ ძალიან კარგ ბიჭებთან, მოთამაშეებთან და მაგარ ფანებთან ერთად. ძალიან დიდი მადლობა ყველას.
მწვრთნელი ძალიან მეხმარება, მიხსნის ყველაფერს, ნელ-ნელა ვეგუები ახალ ტაქტიკას, რაც ჩემთვის ძალიან კარგია იმიტომ, რომ შეტევაში ბევრი როტაციის საშუალება მაქვს, თავისუფლებას ვგრძნობ და ჩემთვის ეს ძალიან კარგია.
ყველას მადლობას გიხდით, რომ ჩემს გვერდში ხართ და მეხმარებით."
