- შარლე დე კეტელარე: ატალანტას ფეხბურთელის გამოსყიდვა €22 მილიონად შეუძლია;
- ალექსის სალმაკერსი: ბოლონიას ფეხბურთელის გამოსყიდვა €10 მილიონად შეუძლია;
- დივოკ ორიგი: ნოტინგემს ფეხბურთელის გამოსყიდვა €4.5 მილიონად შეუძლია, თუმცა დიდი ალბათობით, ინგლისური კლუბი ბელგიელს არ იყიდის და ფეხბურთელი უკან, მილანში დაბრუნდება. "როსონერიში" დარჩენა გამორიცხულია, 28 წლის ფორვარდი იტალიურ გუნდს აუცილებლად დატოვებს.
- ფოდე ბალო-ტურე: ფეხბურთელი ფულემიდან მილანში დაბრუნდება, თუმცა როგორც ორიგი, ისიც აუცილებლად დატოვებს "როსონერის".
- დანიელ მალდინი: მონცა უკვე მუშაობს ლეგენდარული პაოლოს ვაჟის გამოსყიდვაზე. საუბარია €5-მილიონიან გარიგებაზე;
- დევის ვასკესი: კოლუმბიელი მეკარე ასკოლიდან მილანში დაბრუნდება, თუმცა იტალიურ გრანდში დარჩენა გამორიცხულია;
- ჩაკა ტრაორე: პალერმოს ფეხბურთელის გამოსყიდვა €10 მილიონად შეუძლია;
- ლორენცო კოლომბო: ფეხბურთელი მონცადან მილანში დაბრუნდება, თუმცა "როსონერი" ახალგაზრდა იტალიელის გაყიდვას ისევ შეეცდება;
ზაფხულში, დიდი ალბათობით, მილანს ორი ვეტერანი ფეხბურთელიც დატოვებს, კერძოდ სიმონ კიაერი და ოლივიე ჟირუ. ორივე მათგანი "როსონერის" უფასოდ დაემშვიდობება.
მატია კალდარას მილანური კარიერაც დასრულდება. 6 წლის შემდეგ იტალიელი მცველი კლუბს დატოვებს. გასარკვევია ასევე ლუკა იოვიჩისა და პიერ კალულუს მომავალიც. სერბ ფეხბურთელსა და კლუბს შორის ახალ კონტრაქტზე მუშაობა მიმდინარეობს, თუმცა ამ დრომდე მხარეებს შორის შეთანხმება არ შემდგარა. რაც შეეხება კალულუს, ტრავმებით დატანჯული ფრანგი მცველის მილანური კარიერა, დიდი შანსია ზაფხულში დასრუდლეს. "როსონერიში" მის გაყიდვაზე სერიოზულად ფიქრობენ.
მილანში დიდი წმენდაა დაგეგმილი. შეიცვლება თუ არა მწვრთნელი, ამას სეზონის ბოლოს გავიგებთ. პიოლის ბედი კი, დიდწილად, ევროპა ლიგაზეა დამოკიდებული.
