ზაზა ნადირაძე: იმედია, ოლიმპიადაზე ისტორიული შედეგით გავალთ

ევროპის საკვალიფიკაციო ტურნირისთვის ქართველების მზადებისა და შანსების შესახებ, საქართველოს კანოესა და ნიჩბოსნობის ეროვნული ფედერაციის პრეზიდენტმა, ზაზა ნადირაძემ,  La Gazzetta dello Sport Georgia-სთან ინტერვიუში ისაუბრა:

- ნოემბრიდან ვემზადებით, შეკრებები გვქონდა. ახლაც რუმინეთში გავდივართ შეკრებას, კარგ პირობებში ვემზადებით. უნგრეთში 9 მაისს გაიმართება სალიცენზიო ტურნირი.

- ყველაზე დიდი შანსი ამ დროისთვის 200 მეტრ დისტანციაზე გოგოებს შორის მარიამ ქერდიკაშვილს აქვს. შარშანაც ძალიან ახლოს იყო ლიცენზიასთან, წელს უკეთაა მომზადებული. მარიამს მსოფლიოსა და ევროპის ჩემპიონატებზე 23-წლამდელთა შორის მედლები აქვს მოპოვებული. აქამდე საქართველოს ისტორიაში ნიჩბოსნობაში საქართველოდან ქალი არასდროს ყოფილა ოლიმპიურ თამშებზე და იმედია, სტორიული შედეგის დაფიქსირებას შევძლებთ. ოლიმპიური ლიცენზიისთვის 1000 მეტრ დისტანციაზე ალექსანდრე წივწივაძე იბრძოლებს.

როგორც იცით კაცთა შორის 200 მეტრიანი დისტანცია ოლიმპიადიდან 2016 წლის შემდეგ ამოიღეს, რომელშიც მე ვასპარეზობდი. ბადრი ყაველაშვილმა კაიაკით კარგი შედეგი დააფიქსირა (200 მ.), თუმცა ეს დისტანციაც ამოღებულია, თორემ მეტი ლიცენზიის შანსი გვექნებოდა.

 
- ალექსანდრემ ახალგაზრდებს შორის ყველაფერი მოიგო, კარგ ფორმაში იყო, თუმცა ავარიის შედეგად მოტეხილობები ჰქონდა, რასაც ხანგრძლივი მკურნალობა დასჭირდა. ვარჯიში ნელ-ნელა დაიწყო, ჯერ ვერ ვიტყვით თუ როგორ წარიმართება შეჯიბრი, რადგან დიდი დატვირთვა უწევს სპორტსმენს. ალექსანდრე ცდილობს სრულყოფილად აღიდგინოს ფორმა და ვნახოთ რამდენად შეძლებს.

 
- მოსამზადებელი პირობები რამდენად გაქვთ?

- ამაყად შემიძლია ვთქვა, რომ სპორტსმენები და მწვრთნელები, როგორც და სადაც გადაწყვეტენ შეკრებას, იქ გადიან. ჩვენ განვითარებისთვის წარმატება გვჭირდება. კარგი ახალგაზრდა თაობა მოდის და შეგვიძლია საქართველოს ბევრი გამარჯვება მოვუტანოთ. მინდა მადლობა გადავუხადო სპორტის სამინისტროსა და ოლიმპიურ კომიტეტს თანადგომისთვის, ყველანაირ პირობას გვიქმნიან და ყელა პირობა გვაქვს წინ წავიდეთ. ფოთში ახალი ბაზა შენდება, რომლის გახსნა სექტემბერში იგეგმება და დიდი საერთაშორისო ტურნირით გაიხსნება. ისტორიული ბაზა იქნება, სანიჩბოსნოდ ფოთში იდეალური პირობებია, ჩვენც ვივარჯიშებთ და უცხოელი სპორტსმენებიც ჩამოვლენ. შესაძლებლობა მოგვეცემა კიდევ უფრო განვვითარდეთ. ასეთი კომპლექსი ბევრ ქვეყანას არ აქვს.

 
- სალიცენზიო ტურნირამდე დარჩენილი დრო რამდენად საკმარისია სრულყოფილად მომზადებისთვის?

- შარშანდელთან შედარებით, მარიამი საკმაოდ კარგ ფორმაშია, მაგრამ დასვენებისთვის დარჩენილი გვაქვს 2 კვირა. მას შესაძლებლობა აქვს დასვენებული და სათანადოდ მომზადებული გავიდეს ტურნირზე. იმედი გვაქვს, ალექსანდრე შეძლებს ძალების აღდგენას და კანოეში 2 წარმომადგენელი გვეყოლება ოლიმპიადაზე.