უნგრეთის დედაქალაქ ბუდაპეშტში მიმდინარე მსოფლიოს ჩემპიონატზე ქართველი ძიუდოისტი ტატო გრიგალაშვილი (-81 კგ.) ფინალში სპარეზებს.
ტატომ ნახევარფინალში აზერბაიჯანელ ზელიმ ცკაევი დაამარცხა. ქართველი ფინალში ნეირტრალური დროშით, IJF-ის სახელით მაოსპარეზე ტიმურ არბუზოვს შეხვდება.
მსოფლიოს ჩემპიონატის პირველ დაპირისპირებაში ტატომ თურქეთის სახელით მოასპარეზე ქართველ ვედატ ალბაირაქს (ვანო რევაზიშვილი) სძლია. შემდეგ ბულგარელი გრამატიკოვი დაამარცხა და მეოთხედფინალში ბელგიელ კასეს მოუგო.
ფინალური ბლოკი თბილისის დროით, 20:00 საათზე დაიწყება.
ტატო გრიგალაშვილი კარიერაში ზედიზედ მეხუთედ იასპარეზებს მსოფლიოს ჩემპიონატის ფინალში, 2021 წელს ქართველმა ვერცხლის მედალი მოიპოვა, 2022, 2023 და 2024 წლებში კი ჩემპიონობა იზეიმა.
დღეს საქართველოს ნაკრებიდან ეთერ ასკილაშვილმა (-63 კგ.) და ზაურ დვალაშვილმა (-81 კგ.) იასპარეზეს. ასკილაშვილი პირველ შეხვედრაში ჩინელ ჯინ ტანგთან დამარცხდა. ზაურ დვალაშვილმა კი მერვედფინალში დომინიკელ მედიქსონ კორტორეალთან დამატებით დროში წააგო და შეჯიბრებას გამოეთიშა.
შეგახსენებთ, ძიუდოს მსოფლიო ჩემპიონატი 13 ივნისს დაიწყო, ამ დროისთვის საქართველოს ძიუდოისტთა ნაკრების ანგარიშზე 1 ოქროს მედალია. ეთერ ლიპარტელიანი (57 კგ) გახდა პირველი ქართველი ქალი მსოფლიოს ჩემპიონი ძიუდოისტი.
ფოტო: ძიუდოს საერთაშორისო ფედერაცია
