Transfermarkt-მა თავის 25 წლის იუბილესთან დაკავშირებით შეადგინა იმ ფეხბურთელების სია, რომლებმაც 2000 წლის შემდეგ, ყველაზე მეტი ბურთი გაიტანეს. საუბარია როგორც საკლუბო, ისე სანაკრებო დონეზე დაფიქსირებულ შედეგებზე.
რთული წარმოსადგენი არ იყო, რომ პირველ ადგილზე კრიშტიანუ რონალდუ არის. ლეგენდარული თავდამსხმელის ანგარიშზე ამ დროისთვის არის 944 ბურთი და როგორც ვიცით, კარიერის დასრულებას პორტუგალიელი ფორვარდი არ ჩქარობს. შემდეგ მოდის მისი მარადიული მეტოქე, ლეო მესი, 882 გოლი.
სამეულს ხურავს რობერტ ლევანდოვსკი, 694 გოლი. საინტერესოა, რომ 441 გატანილი ბურთით ათეულში შევიდა ჟივანილდო დე სოუზა, იგივე ჰალკი, რომელმაც სერხიო აგუეროსა და ედინ ჯეკოს გადაასწრო. საუკეთესო 10-ეული შეგიძლიათ იხილოთ ქვემოთ.
ყველაზე მეტი გოლი 2000 წლის შემდეგ
| ფეხბურთელი | გოლების რაოდენობა |
| კრიშტიანუ რონალდუ | 944 |
| ლიონელ მესი | 882 |
| რობერტ ლევანდოვსკი | 694 |
| ლუის სუარესი | 575 |
| ზლატან იბრაჰიმოვიჩი | 564 |
| ქარიმ ბენზემა | 498 |
| ჰარი კეინი | 479 |
| ედინსონ კავანი | 458 |
| ნეიმარ ჟუნიორი | 450 |
| ჟივანილდო ჰალკი | 441 |
