100 მილიონი ტრანსფერებისთვის - მილანი ზაფხულში აქტიურობას გეგმავს

მიმდინარე სეზონის დასრულების შემდეგ, მილანის ხელმძღვანელობა ზაფხულის სატრანსფერო ბაზარზე აქტიურობას და გუნდის გაძლიერებას გეგმავს.

როსონერის მთავარი მიზანი ცენტრალური თავდამსხმელის დამატება იქნება - შედეგიანი სეზონის მიუხედავად, ოლივიე ჟირუს მომავალი გაურკვეველია და მან შესაძლოა კარიერა MLS-ში გააგრძელოს. ასევე ლუკა იოვიჩის კონტრაქტის გახანგრძლივებაც არ არის ჯერ გადაწყვეტილი. 9-იანი პოზიციაზე კი მილანს ორი ვარიანტი ჰყავს: ჯოშუა ზირკზე და ბენჟამინ შეშკო.

ზირკზემ ბოლონიას მაისურით მიმდინარე სეზონში 27 მატჩში 10 გოლი გაიტანა და 6 საგოლე გადაცემა შეასრულა - 22 წლის ნიდერლანდელის ტრანსფერი მილანს 40 მილიონი ევრო დაუჯდება. შეშკომ კი ლაიპციგის რიგებში 10 გოლის გატანა მოახერხა და 30 მილიონ ევროდ არის შეფასებული.

შეტევის გარდა, მილანის ცენტრალურ ნახევარმცველს და მცველსაც დაიმატებს. მიმდინარე სეზონში გამოჩნდა, რომ როსონერის ერთ-ერთი მთავარი პრობლემა ჩამშლელის პოზიციაა, რის გამოც გუნდი ხშირად უშვებს გოლებს კონტრშეტევაზე.

წინასწარი მონაცემებით, მილანი 2023-24 ფინანსურ წელს მოგებით დახურავს, რაც ხელმძღვანელობას სატრანსფერო ბაზარზე აქტიურობის საშუალებს მისცემს. გასულ წელს, როსონერი ტრანსფერებს მხოლოდ 20 მილიონის ფარგლებში ხურავდა და აღნიშნული შეზღუდვა ზაფხულში მოიხსნება.