ქართველმა ძიუდოისტებმა 7 მედლის მოპოვება მოახერხეს, მათ შორის 2 ოქრო, 2 ვერცხლი და 3 ბრინჯაო - აღნიშნული შედეგით, საქართველოს ძიუდოისტთა ნაკრებმა გუნდურ ჩათვლაში პირველი ადგილი დაიკავა.
ოქრო: ვაჟა მარგველაშვილი (66 კგ.), ტატო გრიგალაშვილი (81 კგ.)
ვერცხლი: ილია სულამანიძე (100 კგ.), გურამ თუშიშვილი (+100 კგ.)
ბრინჯაო: ეთერ ლიპარტელიანი (57 კგ.), ლაშა შავდათუაშვილი (73 კგ.), ლაშა ბექაური (90 კგ.)
ხვალ ევროპის ჩემპიონატზე გუნდური შეჯიბრი გაიმართება - საქართველოს ნაკრები პირველ წრეში დაისვენებს, ხოლო შემდეგ იტალიისა და ძიუდოს საერთაშორისო ფედერაციის ლტოლვილთა გუნდს შორის გამარჯვებულს შეხვდება. წინასწარი ორთაბრძოლები 13:00 საათზე დაიწყება, ხოლო ფინალური ბლოკი 17:00 საათზე აიღებს სტარტს.
