ორი ოქროსა და ერთი ბრინჯაოს მედალი მოიპოვეს ქართველმა ბერძნულ-რომაული სტილით მოჭიდავეებმა 20 წლამდელთა მსოფლიო ჩემპიონატზე. შეჯიბრება ბულგარეთის ქალაქ სამოკოვში გაიმართა.
ჩემპიონობა ანრი ფუტკარაძემ (77 კგ.) და ლუკა კოჩალიძემ (87 კგ.) იზეიმეს, რამდენიმე კვირის წინ ფუტკარაძე და კოჩალიძეამავე ასაკობრივ ჯგუფში ევროპის ჩემპიონები გახდნენ, ახლა კი მსოფლიოს პირველობაზეც დაუმარცხებლად იასპარეზეს.
ბულგარეთში ბრინჯაოს მედალი ვახტანგ ლოლუამ (60 კგ.) მოიპოვა.
20 წლამდელთა მსოფლიოს ჩემპიონატზე თავისუფალი სტილით მოჭiდავეებმა 2 მედალი დაისაკუთრეს. ბრინჯაოს პრიზიორები კონსტანტინე პეტრიაშვილი და დავით ჭეჭელაშვილი გახდნენ.
შეგახსენებთ, კონსტანტინე პეტრიაშვილი 17 წლამდელთა შორის ევროპის მოქმედი ჩემპიონია.
