La Gazzetta dello Sport Georgia აგრძელებს ჯანსაღი ცხოვრების წესთან დაკავშირებულ ფიტნეს რუბრიკას და დეტალურად გიამბობთ, ფიტნესის ერთ-ერთი მიმართულების, პილატესის შესახებ.
პილატესის უპირატესობა, შედეგი და შესაძლებლობები საქართველოში - ამ თემებზე, Lagazzetta.ge-სთან Axis Towers Wellness Center-ის პილატესის მწვრთნელმა, მარი ჩიხლაძემ ისაუბრა:
- რას მოიცავს პილატესი?
- პილატესი ეს არის ფიზიკური და მენტალური ჯანმრთელობა, ცხოვრების წესი. პილატესის მეშვეობით სხეული ძლიერი და მოქნილი ხდება, მუშავდება სხეულის ძალიან ღრმა კუნთები, უმჯობესდება კოორდინაცია. ფიზიკურ ვარჯიშებთან ერთად, იგი მოიცავს სუნთქვით პრაქტიკას, რაც პილატესის მთავარი მამუშავებელი ძალაა. ის საუკეთესო საშუალებაა სტრესთან გასამკლავებლად.
- რა არის პილატესის უპირატესობა?
- პილატესის ვარჯიში შეუძლია ყველა ასაკისა და ფიზიკური შესაძლებლობის ადამიანს, განურჩევლად სქესისა. პილატესის ვარჯიშები ხშირად ინიშნება ექიმების მიერ, რადგან მოიცავს სარეაბილიტაციო ვარჯიშებსაც, ეს კი უნიკალურს ხდის მას ჯანმრთელობაზე ზრუნვის მიმართულებით.
- რა ასაკიდან შეუძლიათ ვარჯიში Axis Towers Wellness Center-ში?
- Axis Towers Wellness Center-ი გთავაზობთ პილატესის ვარჯიშებს, როგორც მოზარდების (10 წლიდან), ასევე ასაკოვანი მომხმარებლისთვის.
- შედეგი რამდენ ხანში დგება?
- როგორც თავად ჟოზეფ პილატესმა თქვა: ,,10 ვარჯიშში შენ იგრძნობ განსხვავებას, 20 ვარჯიშში დაინახავ განსხვავებას და 30 ვარჯიშში გექნება სრულიად ახალი სხეული”.
- ბოლო პერიოდში უფრო აქტუალური ხდება პილატესი, რა შეიძლება იყო ამის ერთ-ერთი მთავარი მიზეზი?
- პილატესმა უკვე დაიმკვიდრა თავი მსოფლიოში, როგორც ჯანმრთელობაზე ზრუნვის უნიკალურმა მეთოდმა და საქართველოშიც ნელ-ნელა პოპულარული ხდება მათ შორის, ვისაც გააზრებული აქვს კონტროლირებული მოძრაობით როგორ შეიძლება ჯანმრთელობისა და სხეულის შესაძლებლობების გაუმჯობესება.
- რას სთავაზობს Axis Towers Wellness Center-ი პილატესით დაინტერესებულ ადამიანებს და რატომ უნდა აირჩიონ Axis Towers Wellness Center-ში ვარჯიში?
- Axis Towers Wellness Center-ი მომხმარებელს სთავაზობს პილატესის ჯგუფურ და პერსონალურ ვარჯიშებს, რომლის შეძენაც ადგილზე ან დისტანციურადაც შესაძლებელია. აქ დაგხვდებით მე, კვალიფიციური, სერტიფიცირებული პილატეს ინსტრუქტორი კლასიკური პილატესის მიმართულებით, რომელსაც განათლება უშუალოდ ჟოზეფ პილატესის მოსწავლეებისგან აქვს მიღებული და მათ მესამე თაობას წარმოვადგენ საქართველოში. ჩვენთან დაგხვდებათ კომფორტული, მოწესრიგებული და მეგობრული სავარჯიშო სივრცე ყველა საჭირო ინვენტარით. მერწმუნეთ, ვარჯიშის დასრულების მომენტიდან მოუთმენლად დაელოდებით შემდეგი ვარჯიშის დაწყების დღეს, რადგან პილატესი ეს არის ვარჯიში, როგორც ხელოვნება და ვინც ერთხელ მაინც ეზიარება მას, შეუძლებელია არ მოუნდეს ამ ემოციის ხელახლა განცდა.
