სტეფანო პიოლიმ ალ-ნასრი ოფიციალურად დატოვა. საინტერესოა, რომ კრიშტიანუ რონალდუს აღნიშნულ გუნდში გადასვლის შემდეგ, ანუ 2023 წლიდან, რიადელებმა 4 სპეციალისტი გამოიცვალეს. იტალიელ დამრიგებლამდე არაბულ კლუბში მუშაობდნენ რუდი გარსია, დინკო იელიჩიჩი და ლუიშ კაშტრუ.
რა არის მწვრთნელების ხშირი ცვლის მიზეზი? ტიტულების გარეშე დარჩენა. "ყვითლების" მშრალი სერია დაიწყო 2019 წელს, რომელიც არც ლეგენდარული პორტუგალიელი ფორვარდის წასვლის შემდეგ შეწყვეტილა. ბოლო დამრიგებელი, რომელმაც ალ-ავალ პარკის ბინადრებს მოუტანა ჩემპიონობა, რუი ვიტორია იყო.
აღსანიშნავია ისიც, რომ ალ-ნასრის შემდეგ, ტიტულები არც პორტუგალიელ მწვრთნელს მოუგია. ჯერჯერობით უცნობია, თუ რომელი სპეციალსიტი შეცვლის მილანის ყოფილ დამრიგებელს რიადში. გავრცელებული ინფორმაციით, არაბული კლუბი მოლაპარაკებებს ლუჩანო სპალეტისთან აწარმოებს.
