ჩემპიონთა ლიგის ფაზის პირველ ტურში პარის სენ-ჟერმენმა ბერგამოს ატალანტა 4:0 გაანადგურა. მასპინძლების მხრიდან ერთი გოლი გაიტანა ხვიჩა კვარაცხელიამ და საინტერესოა, რომ "ლა დეა" გახდა მე-5 კლუბი, რომელსაც მან სხვადასხვა დროს მინიმუმ 3 ბურთი შეუგდო.
სტადიო ატლეტი აძურის ბინადრების გარდა, ქართველ გარემარბს ორზე მეტი გოლი გაუტანია ვერონას (4), სასუოლოს (4), ტორინოსა (3) და მონცას (3) კარში. როგორც ვხედავთ, პსჟ-ს ვინგერი კალჩოს წარმომადგენლების დამწუხრებას ნაპოლიდან წასვლის შემდეგაც აგრძელებს.
ჩემპიონთა ლიგის გასული სეზონის ფინალში "ლურჯ-წითლების" შვიდიანმა გაუტანა მილანის ინტერს, დღეს კი ივან ჯურიჩის გუნდს. აქვე დავამატებთ, ლუის ენრიკეს შეგირდების შემდეგი მეტოქე მთავარ საკლუბო ტურნირზე ბარსელონა იქნება.
