2024 წლის პარიზის ოლიმპიურ თამაშებზე, ლეგენდარულმა მოჭიდავემ, მიხაინ ლოპესმა ოქრო მოიპოვა და ისტორიაში შევიდა.
41 წლის კუბელი გახდა პირველი მოჭიდავე, რომელსაც 5 ოლიმპიური ოქრო აქვს მოგებული — მან 2008 წლიდან მოყოლებული ყველა ოლიმპიადა ტრიუმფით დაასრულა.
პარიზის ოლიმპიადაზე, ბერძნულ-რომაული სტილით ჭიდაობის მძიმე წონის ფინალში, მიხაინ ლოპესი ჩილელ იასმანა აკოსტას შეხვდა და მეტოქე მარტივად, 6-0 დაამარცხა.
5-გზის ოლიმპიური ჩემპიონობის გარდა, კუბელი მოჭიდავის ანგარიშზე მსოფლიო ჩემპიონატისა და პან ამერიკის თამაშების 5-5 ოქროს მედალია.
5 ოლიმპიადა, 5 ოქრო — ლოპესმა ახალი ისტორია დაწერა
