მანჩესტერ სიტის კარში შესრულებული ჰეტ-ტრიკის შემდეგ, ფედერიკო ვალვერდე გახდა რიგით მეშვიდე ფეხბურთელი ამ მიღწევით პეპ გუარდიოლას გუნდის წინააღმდეგ. ურუგვაელ შუახაზელამდე, ეს შეძლეს ლიონელ მესიმ, სერხიო აგუერომ, ჯეიმი ვარდიმ, კილიან მბაპემ, კრისტოფერ ნკუნკუმ და ვიქტორ გიოკერეშმა.
ყველაზე საინტერესო არის ინგლისელი თავდამსხმელის მიღწევა, ვინც ლესტერ სიტიში თამაშის დროს ჰეთ-ტრიკი "ქალაქელების" წინააღმდეგ 2-ჯერ შეასრულა. აღსანიშნავია ისიც, 2014 წლამდე, 1 შეხვედრაში 3 ბურთი ესპანელი სპეციალისტის გუნდის კარში არავის გაუტანია. პირველმა ეს შეძლო ეტიჰადის ბინადრების ყველა დროის საუკეთესო გოლეადორმა, მაშინ, როცა ხოსეპი მიუნხენის ბაიერნში მოღვაწეობდა.
ჰეთ-თრიკი პეპ გუარდიოლას გუნდების კარში
| სერხიო აგუერო | მანჩესტერ სიტი 3:2 ბაიერნი | ჩემპიონთა ლიგის ჯგუფური ეტაპი | 25/11/2014 |
| ლიონელ მესი | ბარსელონა 4:0 მანჩესტერ სიტი | ჩემპიონთა ლიგის ჯგუფური ეტაპი | 19/10/2016 |
| ჯეიმი ვარდი (2-ჯერ) | ლესტერი 4:2 მანჩესტერ სიტი; მანჩესტერ სიტი 2:5 ლესტერი | პრემიერ ლიგა | 10/12/2016; 27/09/2020 |
| კრისტოფერ ნკუნკუ | მანჩესტერ სიტი 6:3 ლაიფციგი | ჩემპიონთა ლიგის ჯგუფური ეტაპი | 15/09/2021 |
| ვიქტორ გიოკერეში | სპორტინგი 4:1 მანჩესტერ სიტი | ჩემპიონთა ლიგის ფაზა | 05/11/2024 |
| კილიან მბაპე | რეალი 3:1 მანჩესტერ სიტი | ჩემპიონთა ლიგის პლეიოფი | 19/02/2025 |
| ფედერიკო ვალვერდე | რეალი 3:0 მანჩესტერ სიტი | ჩემპიონთა ლიგის 1/8 ფინალი | 11/03/2026 |
