სერია ა-ს მესამე ტურის ცენტრალურ მატჩში ტურინის იუვენტუსმა დრამატულ ბრძოლაში მილანის ინტერი 4:3 დაამარცხა. მასპინძლების მხრიდან ბურთები გაიტანეს ლოიდ კელიმ, ქენან ილდიზმა, ქეფრენ ტურამმა და ვასილი აჯიჩმა. "ნერაძურის" მხრიდან დუბლი გაიფორმა ჰაკან ჩალჰანოღლუმ, ასევე ერთი გოლი მარკუს ტურამმა შეაგდო.
"ბიანკონერიმ" სერია ა-ში იმარჯვა ზედიზედ მესამე მატჩში, რითაც 100-პროცენტიანი შედეგით პირველი ადგილი გაიმყარა. ჯუზეპე მეაცას ბინადრებმა კი ტორინოს განადგურების შემდეგ, უდინეზესა და იგორ ტუდორის გუნდთან წააგეს.
იუვენტუსი 4:3 ინტერი
გოლები: 1:0 ლოიდ კელი 14', 1:1 ჰაკან ჩალჰანოღლუ 30', 2:1 ქენან ილდიზი 38', 2:2 ჰაკან ჩალჰანოღლუ 65', 2:3 მარკუს ტურამი 76', 3:3 ქეფრენ ტურამი 82', 4:3 ვასილი აჯიჩი 91'.
