29 ოქტომბერს მარტყოფის სარაგბო ბაზა უმასპინძლებს 16 წლამდე მორაგბეთა 7-კაცა რაგბის ამხანაგურ თამაშებს, სადაც მონაწილეობას მიიღებენ როგორც ქართული, ისე მონაკოს გუნდები, რომლებსაც წვრთნის ყოფილი „ბორჯღალოსანი“ დავით ბოლღაშვილი.
ამხანაგური თამაშებში ქართული გუნდებიდან - “აკადემია,” “არმაზი,” “ხარები” და “ამარანტები” მიიღებენ მონაწილეობას, მონაკოდან კი 2 გუნდი იასპარეზებს.
ღონისძიების მთავარი სტუმარია მონაკოს სამეფო ოჯახის წევრი, პრინცესა შარლინ უოტსტოკი, რომელიც თავის ძმასთან, გარეტთან და 10-კაციან დელეგაციასთან ერთად ესტუმრება ფესტივალს და პირადად დააკვირდება ახალგაზრდა მორაგბეთა თამაშებს.
ამხანაგური მატჩები 11:00 საათზე დაიწყება.
აღნიშნული მატჩების მიზანია ახალგაზრდებში სპორტული ღირებულებებისა და ჯანსაღი ცხოვრების წესის პოპულარიზაცია, ასევე საერთაშორისო მეგობრობისა და თანამშრომლობის გაღრმავება.
