ფეხბურთელის როლები - პიოლიმ ლოფტუს-ჩიკს პოზიცია არ შეუცვალა, რადგან მისი აზრით ტაქტიკურად 8 ნომერსა და 10 ნომერს შორის სხვაობა გაქრა, მან უბრალოდ ფეხბურთელს დავალებები შეუცვალა. კვარასთვის კი ეს სრულიად ახალი პოზიცია იქნება, რადგან მას ამ მატჩში, ნახევარდაცვაში ბევრად დიდი დროის გატარება მოუწევს, ისევე როგორც შეტევაში, რადგან სიმეონესთან მასზე ახლოს არავინ იქნება. ის იქნება "ცრუ ცხრიანი", რომელსაც უკან თამაშიც დაევალება. მილანის მიზანი ოთხეულში გასვლაა, თუმცა "როსონერი" სკუდეტოსთვის ბრძოლაში ბოლომდე დარჩენას გეგმავს. "პარტენოპეის" მიზანი კი მხოლოდ მეოთხე ადგილზე გასვლა და ჩემპიონთა ლიგაზე თამაშია.
ლოფტუს-ჩიკი - იმის თქმა, რომ ფეხბურთელმა თავისი შესაძლებლობები თავიდან აღმოაჩინა, ცოტა ხმამაღალი ნათქვამი გამოვა, თუმცა გადატვირთვა და კარიერის ხელახლა დაწყება, შეიძლება მართებული შეფასება იყოს. მისი პსჟ-სთან ფერფორმანსი დაუვიწყარი იყო. ჟირუს უკან, თუმცა საყრდენებზე ოდნავ წინ, ეს არის ფეხბურთელის ახალი პოზიცია. ლოფტუსი ძლიერი და აგრესიული ნახევარმცველია, რომელსაც ცენტრში თავისუფლად მოძრაობის საშუალება აქვს. ხშირად მისი მოქმედებები მილანის ტაქტიკას სრულიად ცვლის და 4-2-4 სათამაშო სქემას ვღებულობთ, რა დროსაც ფეხბურთელს ჟირუსთან ერთად მეორე ფორვარდის პოზიციაზე ვხედავთ. ამ პოზიციაზე დაყენებით, ლოფტუს-ჩიკმა გოლების გატანაც დაიწყო, ჟირუსთან იდეალურ დუეტს ქმნის და გუნდიც ბევრს იტანს.
კვარაცხელია - ოსიმენი, ხვიჩა და ლობოტკა სპალეტის საჩემპიონო გუნდის მთავარი გმირები იყვნენ. კვარას გადამწყვეტი მოქმედებები კი ნეაპოლში ძალიან ენატრებათ. გარსიამ ფეხბურთელს ალღო ვერ აუღო, მაგრამ ახლა მაცარი ცდილობს ყველაფრის გამოსწორებას. მისი მთავარი მიზანია, ფეხბურთელმა ისევ ღიმილით ითამაშოს და ისევ მონდომებით ირბინოს. დამამშვიდებელი ნიშნები უკვე დიდი ხანია შეინიშნება, მაგრამ როგორც ადრე, ქართველი ისევ ისეთი ეფექტური მაინც აღარაა. მაცარი სპალეტის 4-3-3 სქემას "ებრძვის" და რაღაც ახლის შექმნას ცდილობს. მილანთან ნაპოლი 3-5-1-1 სათამაშო სქემით ითამაშებს, ვინგერების გარეშე, სადაც კვარა სიმეონეს უკან დადგება. ეს იდეა პირველად ჰელას ვერონასთან დაიბადა, როდესაც ლინდსტრომი ცენტრში იყო, ხვიჩა კი ფლანგზე, მაგრამ როგორც კი ფეხბურთელებმა პოზიციები გაცვალეს, შედეგიც მოვიდა, 3 ქულა ნეაპოლში დარჩა.
გამოწვევა - ლოფტუს-ჩიკის შეჩერება სულ უფრო და უფრო რთული ხდება. ეს ვერ მოახერხებს პარიზელებმა, გაუჭირდათ დორტმუნდის ფეხბურთელებს, პრობლემები შეუქმნა იტალიელ მცველებსაც - ამ მატჩში მისი შეჩერება მხოლოდ ნაპოლის ნახევარდაცვას არ დაევალება, ჩიკს დიდი ალბათობით დაცვის დუო, რაჰმანი-ჟესუსიც ინდივიდუალურად დაუდგებიან. კვარაცხელიას წინააღმდეგ კი ორ საყრდენს ვიხილავთ, კერძოდ ბენასერს და ადლის, თუმცა, ხვიჩას ხშირად მის ძველ პოზიციაზეც ვიხლავთ, უფრო მარცხნივ, სადაც რომელიმე ნახევარმცველის დახმარებით კალაბრია-კიაერის დაჯაბნას შეეცდება. თუ ხვიჩა ძველ ფორმას აღიდგენს, ნაპოლიც დაბრუნდება.
Fabio Licari © RCS MEDIAGROUP
