"მათ ერთმანეთში ყველაფერი გაარკვიეს. ფრანჩესკომ როგორც მითხრა, ჟესუსისთვის რასისტული შეურაცხყოფა არ მიუყენებია, მათ უბრალოდ სათამაშო მომენტზე იკამათეს. მის სიტყვებში ეჭვი არ მეპარება, ის კარგი ადამიანია და ვიცი, რომ მსგავს სისულელეს არ გააკეთებდა."
ამის შემდეგ უკვე თავად აჩერბის კომენტარიც გავრცელდა:
"რასისტული შეძახილი არ გამომიყენებია, ჩემი პირიდან არ ამოსულა ისეთი სიტყვები, რომლებიც ჟესუსს რაიმე სახით შეურაცხყოფას მიაყენებდა. ნაკრების დატოვების გამო ვწუხვარ, მაგრამ სიმშვიდეს ვინარჩუნებ. ფეხბურთს 20 წელზე მეტია ვთამაშობ და კარგად ვიცი, ვის რას ვეუბნები. კიდევ ერთხელ ვიმეორებ, რასისტული გამონათქვამი არავის მიმართ არ გამომიყენებია."
ამ განცხადებების შემდეგ, ჟუან ჟესუსმა სოციალურ ქსელ ინსტაგრამში პოსტი გამოაქვეყნა:
"ჩემთვის ეს საკითხი გუშინ მოედანზე დასრულდა. გულწრფელად რომ ვთქვა, არ მინდოდა ამ თემას დავბრუნებოდი, რადგან საშინელი ფაქტი დაფიქსირდა და ამაზე საუბარი მარტივი არაა. მაგრამ დღეს წავიკითხე აჩერბისა და მისი აგენტის განცხადებები, რომლებიც სრულიად ეწინააღმდეგება მოვლენების რეალობას და იმას, რაც მან გუშინ მითხრა. კადრებში კარგად ჩანს, რომ ის პატიებას ითხოვს. მე არ ვაპირებ ამ საკითხის ასე დატოვებას, აჩერბიმ მე რასისტული შეურაცხყოფა მომაყენა: “go away black, you’re just a black“, შემდეგ კი მსაჯთან ამ სიტყვების გამო ბოდიში მოიხადა. დღეს მან შეცვალა ვერსია და ამტკიცებს, რომ რასისტული შეურაცხყოფა მისი მხრიდან არ ყოფილა. დასამატებელი არაფერი მაქვს."
ამ საქმესთან დაკავშირებით გამოძიება უკვე დაწყებულია.
