ლუკა მოდრიჩი მადრიდის რეალს მიმდინარე სეზონის დასრულების შემდეგ დატოვებს. 13-წლიან ესპანურ კარიერაში ის დაეუფლა 28 ტიტულს, რითაც ხორვატი ფლეიმეიქერი "სამეფო კლუბის" ისტორიაში ყველაზე ტიტულოვანი მოთამაშეა. საინტერესოა, რომ თავდაპირველად ბერნაბეუს ბინადრების მომავალი კაპიტნის ტრანსფერს სკეპტიკურად უყურებდნენ.
ხოსე მარია გუტი თვლიდა, რომ ტოტენჰემ ჰოტსპურის ყოფილი მე-14 ნომერი რეალის დონეს არ შეესაბამებოდა. ამის გარდა, ესპანური პრესაში ტრიალებდა შემდეგი აზრი: 35 მილიონის გახდა 26 წლის მოთამაშეში მადრიდელებისთვისაც კი გადამეტებულია. არ უნდა დაგვავიწყდეს ისიც, რომ მოდრიჩის ტრანსფერი სეზონის პირველი ნახევრის ყველაზე წარუმატებელ გარიგებად აღიარეს.
ხორვატ გამთამაშებელს ბევრს აკრიტიკებდნენ, თუმცა მას ყოველთვის იცავდა ის ადამიანი, რომელიც მისი ტრანსფერის უკან იდგა. საუბარია ჟოზე მოურინიოს შესახებ, რომელიც ლუკას თამაშის დიდი თაყვანისმცემელი იყო. წლების შემდეგ, სპეციალისტი კიდევ ერთხელ გაიხსენებს ხორვატიის ეროვნული გუნდის კაპიტნის გაფორმების ისტორიას.
"მოდრიჩი არის ფეხბურთის სილამაზე. ვამაყობ იმ ფაქტით, რომ მისი რეალში ტრანსფერი სწორედ ჩემი ინიციატივა იყო. არავის სჯეროდა, რომ ლუკას მადრიდში ასეთი მაღალი დონის თამაშის დემონსტრირება შეეძლო. უკვე 10 წელზე მეტია, რაც ის გვაოცებს. ულაპარაკოდ, ხორვატი ფლეიმეიქერი უდიდესი მოთამაშეა."
