თბილისის დინამოს ყოფილმა თავდამსხმელმა, მიხეილ აშვეთიამ ხვიჩა კვარაცხელიაზე ისაუბრა. ვეტერანი ფეხბურთელის თქმით, ახალგაზრდა ქართველი ვინგერი თავის პოზიციაზე საუკეთესოა და მომავალში ის მადრიდის რეალში გადავა.
"კვარაცხელია პარის სენ-ჟერმენის უმნიშვნელოვანესი ფეხბურთელია. დღესდღეობით ის მსოფლიოს საუკეთესო გარემარბია. წარსულში ხვიჩამ განაცხადა, რომ მისი ოცნება რეალში თამაშია და ადრე თუ გვიან, ეს მოხდება. იმ შემთხვევაში, თუ ინტერესი იქნება, ტრანსფერი მართლაც შედგება."
შეგახსენებთ, რომ ქართველი გარემარბი ზამთრის სატრანსფერო ფანჯრის პერიოდში 70 მილიონი ევროს სანაცვლოდ პარის სენ-ჟერმენში გადავიდა. პსჟ-ს ვინგერმა მოასწრო 53 შეხვედრის ჩატარება, 14 ბურთის გატანა და 6 ტიტულის მოგება.
