პარი სენ-ჟერმენში ტრავმების ეპიდემიაა. ლუის ენრიკემ გასულ 24 საათში არა მხოლოდ გუნდის კაპიტანი, არამედ ნახევარდაცვაში შეუცვლელი ფეხბურთელიც დაკარგა. საუბარია ფაბიან რუისზე, რომელიც ლიგა 1-ის მომდევნო ტურის მატჩს ოფიციალურად გამოტოვებს. ესპანელმა ფეხბურთელმა დაზიანება გასულ ტურში, მარსელთან შეხვედრაში მიიღო.
შეგახსენებთ, ტრავმები აწუხებთ პსჟ-ს კიდევ 3 ფეხბურთელს, კერძოდ უსმან დემბელეს, დეზირე დუესა და ჟოაუ ნევეშს.
ლუის ენრიკეს გუნდი ლიგა 1-ის მე-6 ტურში ოსერს ეთამაშება, ხოლო მომდევნო კვირაში პარიზული გრანდი ჩემპიონთა ლიგაზე ბარსელონას დაუპირისპირდება.
