როგორც რეალ მადრიდის ოფიციალურ საიტზე ვკითხულობთ, ფერლან მენდიმ ახალი ტრავმა მიიღო, რის გამოც საკმაოდ დიდხანს იუქმებს. არსებული ინფორმაციით, ფრანგმა განაპირა მცველმა ფეხის უკანა კუნთი დაიზიანა, რის გამოც 2025 წელს თამაშს ვეღარ შეძლებს.
30 წლის ფეხბურთელმა რეაბილიტაციის კურსი უკვე დაიწყო და თუ ყველაფერი გეგმის მიხედვით წავა, მოედანს იანვრის დასაწყისში დაუბრუნდება.
ფერლან მენდის გარდა რეალ მადრიდის კიდევ ორ ფეხბურთელს აწუხებს ტრავმა, კერძოდ დინ ჰაუსენსა და დანი კარვახალს.
ჩაბი ალონსოს გუნდი ლა ლიგის ეგიდით მომდევნო შეხვედრას 3 დეკემბერს ჩაატარებს. სამეფო კლუბის მეტოქე ატლეტიკ ბილბაო იქნება. მატჩი თბილისის დროით 22:00 საათზე დაიწყება.
