უახლოეს დღეებში, ვილი სანიოლი იმ ფეხბურთელების ვინაობას დაასახელებს, ვინც მსოფლიო ჩემპიონატის საკვალიფიკაციო ეტაპის მატჩში, ესპანეთის და ბულგარეთის წინააღმდეგ მიიღებენ მონაწილეობას.
სამწუხაროდ, შემდეგ ეტაპზე გასვლის შანსები აღარ არის და ეს ორი მატჩი ერთგვარი მოსამზადებელი იქნება. მიუხედავად იმისა, რომ ცხრილში მოტივაცია არ გვაქვს, საკუთარ მოედანზე ესპანეთთან დადებითი შედეგის მიღწევა მაინც ხმაურიანი ფაქტი იქნება, რადგან დღესდღეობით, ესპანეთი მსოფლიოს საუკეთესო გუნდია.
იმის გათვალისწინებით, რომ შემდეგ ეტაპზე გასვლის შანსები აღარ გვაქვს, ვილი სანიოლმა შესაძლოა ნაკრებში რამდენიმე ახალ სახეს უხმოს.
ერთ-ერთი ასეთი იური ტაბატაძეა. მის საქართველოს ნაკრებში გამოძახებას წინა შეკრებებზეც ველოდით, თუმცა სიაში ვერ მოხვდა. იმის შემდეგ, ტაბატაძემ კადისის რიგებში კვლავ გაიტანა და მის ნაკრებში მოხვედრას წინ არაფერი უდგას.
ვინაიდან ცენტრალური მცველების დეფიციტია, შესაძლოა, სანიოლმა შესაძლოა ნაკრებში ლუკა გადრანს უხმოს, რომელიც აქამდე უკვე იყო გამოახებული. თუ საქმე ახალ სახეებზე მიდგა, დაკვირვების ქვეშაა ბუდაპეშტის ქართველი მცველი ილია ბერიაშვილი, რომელიც ტრავმის შემდეგ დაბრუნდა და უნგრეთში კვლავ კარგ მატჩებს ატარებს.
რაც შეეხება ეროვნულ ლიგას, აქ ტრავმიდან დაბრუნებული გიორგი ჯინჯოლავა ბრწყინავს, რომელიც ულამაზეს გოლებს იტანს და თავის პოზიციაზე საუკეთესოა.
საბოლოო ჯამში, ბირთვი იგივე იქნება და სანაკრებო სიაში მაქსიმუმ 3-4 ცვლილებას უნდა ველოდოთ, რაც ფეხბურთელების ამჟამინდელი ფორმიდან გამომდინარეობს.
ფაქტი ისაა, რომ 2026 წლის სექტემბრამდე საქართველოს ნაკრებს ოფიციალური მატჩები აღარ მოუწევს, რაც საშუალოებას მოგვცემს რომ ბევრი ექსპერიმენტი ჩავატაროთ და მივაგნოთ იდეალურ გზას, რათა ახალი ციკლი ნაკრებმა წარმატებული სვლით დაიწყოს.
