რამდენიმე წუთის წინ კვიპროსში მიმდინარე ევრობასკეტის C ჯგუფის მატჩი დასრულდა. საქართველოს ნაკრებმა ჯგუფური ეპატის ბოლო შეხვედრა ბოსნია და ჰერცევროგოვინასთან გამართა და 84:76 წააგო.
საქართველოს ნაკრების მთავარმა მწვრთნელმა, ალექსანდრ ჯიკიჩმა ისაუბრა:
"ვულოცავ მეტოქეს შემდეგ ეტაპზე გასვლას. რაც შეეხება ჩემ გუნდს, ვფიქრობ, ჩვენ გვქონდა შანსები, განსაკუთრებით იმ მომენტში, როდესაც ანგარიში 69:69 იყო, თუმცა შემდეგ კონტროლი დავკარგეთ და ვერ შევძელით ასე გაგრძელება, შეგვეძლო უფრო ჭკვიანურად გვეთამაშა, მაგრამ ახლა ამ შედეგს ვეღარ შევცვლით. დაველოდებით დღევანდელ თმაშებს, ვნახოთ, რა მოხდება, წავალთ თუ არა რიგაში."
დღეს C ჯგუფის კიდევ 2 მატჩი გამართება, იტალია - კვიპროსი 19:15 საათზე დაიწყება, ესპანეთი - საბერძნეთის მატჩი 22:30 საათზეა ჩანიშნული.
იმ შემთხვევაში თუ ესაპანეთი წააგებს ჩვენ გუნდს ჯგუფიდან გასვლა შეუძლია, საქართველო და ესპანეთი ჯგუფურ ეტაპს ორ-ორი მოგებით დაასრულებენ, ურთიერთშეხვედრაში ნაჩვენები უკეთესი შედეგის გათვალისწინებით, მეოთხე ადგილს ჩვენი გუნდი დაიკავებს და პლეი-ოფში გავა.
პლეი-ოფში C ჯგუფის მეოთხეადგილოსანი D ჯგუფის გამარჯვებულს შეხვდება, მესამეადგილოსანი - მეორე ადგილზე გასულს, მეორე-მესამეს, გამარჯვებული - მეოთხეს.
D ჯგუფში ისრაელი, პოლონეთი, საფრანგეთი, ბელგია სლოვენია, ისლანდია ასპარეზობს. მე-3 - მე-4 ადგილზე გასვლის შემთხვევაში საქართველოს სავარაუდო მეტოქე პოლონეთი ან საფრანგეთია, ყველაფერი მომდევნო თამაშებზეა დამოკიდებული.
პლეი-ოფის მატჩები 6 და 7 სექტემბერს რიგაში გაიმართება.
ევრობასკეტი 2025 ოთხ ქვეყანაში – ლატვიაში, ფინეთში, პოლონეთსა და კვიპროსში ტარდება. აღნიშნულ ქვეყნებში ტურნირის თითო ჯგუფი 6 ნაკრების შემადგენლობით ასპარეზობს და 4 საუკეთესოს დღეს გამოვლინდებას. ჯგუფებიდან ჯამში გასული 16 ნაკრები მეორე ეტაპს პლეი-ოფს ლატვიის დედაქალაქ რიგაში ჩაატარებს, სადაც კონტინენტის ჩემპიონის ვინაობა გაირკვევა.
