მარიო ბალოტელი ფეხბურთში დაბრუნდა. ჯენოადან წასვლის შემდეგ, სკანდალური თავდამსხმელი ალ-იტიფაქს შეუერთდა. საუბარია არა დამამურ კლუბზე, რომელსაც ხელმძღვანელობდა სტივ ჯერარდი, არამედ გაერთიანებულ არაბთა საამიროების ქვედა ლიგის ბინადარზე.
იტალიელი თავდამსხმელის ახალი გუნდი ექვსი ქულით ბოლო ადგილზეა და უკანასკნელ 13 მატჩში 11-ჯერ დამარცხდა. საინტერესოა, რომ ერთი წლის წინ, დუბაიური კლუბი იყიდა ბიზნესმენმა როს პელიგრამ, რომელიც კატანიას მფლობელიც არის. რაც შეეხება მილანის ინტერის ექს-ფორვარდს, როგორც აღვნიშნეთ, მისი ბოლო გაჩერება "გრიფონები" იყო.
35 წლის თავდამსხმელმა "როსობლუში" მოასწრო მხოლოდ ექვსი მატჩის ჩატარება და პატრიკ ვიეირასთან ურთიერთობის გაფუჭება. ამ გუნდიდან წასვლის შემდეგ, იტალიის ეროვნული გუნდის ყოფილი მე-9 ნომერი ერთი წლის მანძილზე კლუბის გარეშე იყო.
