ტურინის იუვენტუსის მთავარი მწვრთნელი, მასიმილიანო ალეგრი სერია ა-ს ისტორიაში შევიდა, როგორც პირველი სპეციალისტი კალჩოში, რომელმაც 1000-ქულიან ნიშნულს გადააბიჯა. იტალიელი დამრიგებლის სტატისტიკა ასეთია: 301 მოგება, 99 ფრე, 96 წაგება. სხვადასხვა დროს ის წვრთნიდა კალიარის, მილანსა და "ბიანკონერის".
რაც შეეხება "ბებერი ქალბატონის" ამჟამინდელი მწვრთნელის ტიტულებს - ექვსი სკუდეტო, ოთხი იტალიის თასი და სამი იტალიის სუპერთასი. აქვე დავამატებთ, რომ ალეგრის გუნდი ამ სეზონზე 57 ქულით მე-2 პოზიციაზე არის. კალჩოს ბოლო ტურში დაძაბულ ბრძოლაში დამარცხებული იქნა ფროზინონე, ანგარიშით 3:2.
სერია ა-ში ალეგრის, როგორც მწვრთნელის, დებიუტი შედგა 2008 წელს, კალიარის დამრიგებლის რანგში. როგორც ვხედავთ, უკვე მე-16 წელია, რაც იტალიელი სპეციალისტი კალჩოს მწვერვალზე ინარჩუნებს ადგილს. აქვე დავამატებთ, რომ იუვე მასთან ერთად 2-ჯერ ჩემპიონთა ლიგის ფინალშიც გავიდა.
