სანაკრებო შესვენების დასრულებით, ლივერპულის განკარგულებაში ტრავმის მოშუშების შემდეგ ალისონ ბეკერი დაბრუნდება. საკითხავია, თუ ვინ იდგება მერსისაიდელთა კარში, ბრაზილიელი გოლკიპერი, თუ მისი შემცვლელი, გიორგი მამარდაშვილი. ამ ფაქტს გამოეხმაურა "წითლების" ყოფილი კარის დარაჯი, კრის კირკლენდი.
"მესმის, თუ რა მდგომარეობაშია მამარდაშვილი, თუმცა მან ეს ყველაფერი იცოდა, როდესაც ლივერპულთან კონტრაქტს ხელს აწერდა. არ ვიცი, რას გადაწყვეტს სლოტი, მაგრამ თუ ბეკერი იქნება ფორმაში, მერსისაიდელთა კარში აუცილებლად ის დაბრუნდება. გიორგისთვის ამის მიღება რთული იქნება.
ქართველი მეკარე მიეჩვია რეგულარულ თამაშს, ბრაზილიელი კონკურენტის დაბრუნებით კი გაურკვეველი დროით მან შესაძლოა კვლავ სათადარიგოთა სკამზე გადაინაცვლოს. მომავალში, როცა ვალენსიას ექს-გოლკიპერს მიეცემა შანსი, ეს შესაძლებლობა მან აუცილებლად უნდა გამოიყენოს."
