ლივერპულის ბანაკიდან ახალი ინფორმაცია ვრცელდება — როგორც ირკვევა, ალისონ ბეკერის ტრავმა იმაზე ბევრად მძიმე აღმოჩნდა, ვიდრე ამას თავიდან ვარაუდობდნენ. 33 წლის ბრაზილიელი მეკარე არა 3, არამედ 6 კვირამდე გამოტოვებს, რაც არნე სლოტის გუნდისთვის უდიდესი დანაკლისია.
შეგახსენებთ, ლივერპულმა ალისონ ბეკერი ტრავმის გამო ჩემპიონთა ლიგის მეორე ტურში დაკარგა, როცა ბრაზილიელმა მეკარემ მარჯვენა ფეხზე ბარძაყის კუნთი დაიზიანა. პირველადი ინფორმაციით, ალისონს დაახლოებით 3 კვირა უნდა გამოეტოვებინა, თუმცა როგორც ჩანს დაზიანება უფრო რთული აღმოჩნდა.
ლივერპულში ალისონ ბეკერს მომდევნო მატჩებში გიორგი მამარდაშვილი შეცვლის. 25 წლის ქართველ მეკარეს პირველი დიდი გამოცდა მომდევნო ტურში ელოდება, როცა ენფილდის ბინადრები ჩელსის დაუპირისპირდებიან.
