ამ მატჩშიც ის სცენარი განმეორდა, რაც ხშირად ლევერკუზენის თამაშებში ხდება ხოლმე - გუნდი აგებდა, თუმცა 96-ე წუთზე გაიტანა და წაგებას გადარჩა.
აღსანიშნავია, რომ მიმდინარე სეზონში, ყველა ტურნირზე ჯამში, ლევერკუზენმა 46 შეხვედრიდან 22-ში გოლი მე-80 წუთის შემდეგ გაიტანა. 9 შემთხვევაში ლევერკუზენმა გამარჯვება მოიპოვა, 5-ში ფრე ითამაშა.
აქედან 12 მატჩში კი საერთოდ ლევერკუზენმა გოლი 90+ წუთზე გაიტანა, რაც, რა თქმა უნდა, ყველასგან გამორჩეული მაჩვენებელია.
მოგეხსენებათ, ალონსოს გუნდმა ბუნდესლიგის ჩემპიონობა გაინაღდა. ჯერ წაგება არცერთ ტურნირზე არ აქვს და მათ ანგარიშზე, 46 მატჩში, 38 მოგება და 8 ფრეა.
