მატჩის შემდეგ კომენტარი "წითელი ეშმაკების" მთავარმა მწვრთნელმა, ერიკ ტენ ჰაგმა გააკეთა.
"ამ მარცხმა ძალიან გაგვაბრაზა და შემდეგ მატჩში ლივერპულს გაბრაზებულები ვეთამაშებით. ჩელსისთან წაგებამ ენერგია მოგვცა, რომ ლივერპულთან პრინციპულ მატჩს "მშივრები" შევხვდეთ.
დღეიდან უკვე პოზიტიურ განწყობაზე ვართ, რადგან ვიცით, რომ წინ ლივერპულთან მატჩია და ამ მატჩს დიდი მოტივაციით უნდა შევხვდეთ", - განაცხადა ტენ ჰაგმა.
7 აპრილს, პრემიერ ლიგის ტურის ცენტრალურ შეხვედრაში, მანჩესტერ იუნაიტედი ლივერპულს დაუპირისპირდება. შეხვედრა თბილისის დროით 18:30 საათზე დაიწყება.
