ლეგენდარული იტალიელი მეკარე ჯანლუიჯი ბუფონი 2006 წლის მსოფლიო ჩემპიონატის ფინალში მომხდარ ინციდენტს იხსენებს, სადაც ზინედინ ზიდანმა ბუფონი თანაგუდელ მატერაცის მკერდში თავი ჩაარტყა და ზიზუ მოედნიდან გააძევეს.
მოგეხსენებათ, ის მატჩი ფრედ 1:1 დასრულდა, პენალტების სერიაში კი გამარჯვება იტალიის ნაკრებს დარჩა.
"ამას პირველად ვყვები. რეალურად, ყველაფერი ჩემი ბრალი იყო. 15 მეტრის მოშორებით ვიყავი, როცა ხმამაღალი საუბარი გავიგე და მხოლოდ მე ვუყურებდი, როგორ ჩაარტყა ზიდანმა მატერაცის და როგორც დაეცა იტალიელი მიწაზე. მსაჯი ეს ვერ დაინახა.
მაშინვე მსაჯთან მივვარდი და გავაპროტესტე, ყველაფერი ვუთხარი. მატჩი შეწყდა, ზიდანი მოედნიდან გააძევეს. ვიცოდი, რომ ეს ზიზუს ბოლო მატჩი იყოდა ურთიერთსაწინააღმდეგო გრძნობებს შორის ვიყავი გახლეჩილი.
ვწუხვარ, რომ მისთვის კარიერა ასე დასრულდა. პატივისცემის გამო, ამაზე საუბარი არასდროს მინდოდა. ზიზუ უდიდესი ფეხბურთელი იყო, მჯერა, რომ მისთვის ეს თემა ყოველთვის მტკივნეული იქნება და ხშირად გახსენება მეც არ მინდა", - განაცხადა ბუფონმა.
