დღეს ლიმასოლში მიმდინარე ევრობასკეტზე C ჯგუფის მორე ტურის შეხვედრაში საქართველოს ნაკრებმა იტალიასთან 78:62 წააგო.
მატჩის შესახებ, საქართველოს ნაკრების მთავარმა მწვრთნელმა, ალექსანდრ ჯიკიჩმა ისაუბრა:
"დღეს ორი განსხვავებული ტაიმი ვითამაშეთ. იცით, პირველი ტაიმი ფრედ, 32:32 დასრულდა. სიმართლე გითხრათ, ცოტა დაბნეული ვარ ჩვენი ლიდერის მიმართ მოპყრობით, ვფიქრობ, ამაზე საუბარი ჩემი საქმე არ არის. ჩვენ ვიცით, რატომ ვართ აქ და რა არის ჩვენი მიზანი. ამიტომ, პირველი ორი თამაშის შემდეგ, ერთიანი ვართ, ბოლომდე მივიყვანთ ყველაფერს.
რაც შეეხება გოგა ბითაძეს, მასთან მუშაობის პატივი მქონდა, სანამ NBA-ში წავიდოდა.კარგად ვიცნობ და ვიცი მისი ხასიათი და თვისებები. გოგა ძალიან გვეხმარება, გააზრებული აქვს თავის როლი ნაკრებში, ეხმარება უფროსებს და ცდილობს ასწავლოს ყველაზე ახალგაზრდა მოთამაშეებს. მე არ გამკვირვებია, რომ კარგად თამაშობს.
რაც შეხება ხვალ საბერძნეთთან თამაშს, ბექა ბურჯანაძემ უკვე თქვა რას ფიქრობს ამ საკითხზე.შესაძლოა ხვალ როტაცია ვიხილოთ, ახლა კარგი ისაა, რომ გუნდში ტრავმა არავის აქვს."
საქართველოს ევრობასკეტზე მორიგი მატჩი ხვალ საბერძნეთთან ელის, შეხვედრა თბილისის დროით, 16:00 საათზე დაიწყება.
ევრობასკეტი 2025 ოთხ ქვეყანაში – ლატვიაში, ფინეთში, პოლონეთსა და კვიპროსში ტარდება. აღნიშნულ ქვეყნებში ტურნირის თითო ჯგუფი 6 ნაკრების შემადგენლობით ასპარეზობს და 4 საუკეთესოს გამოავლენს. ჯგუფებიდან ჯამში გასული 16 ნაკრები მეორე ეტაპს პლეი-ოფს ლატვიის დედაქალაქ რიგაში ჩაატარებს, სადაც კონტინენტის ჩემპიონი გამოვლინდება.
საქართველოს ნაკრების მატჩების განრიგი, თბილისის დროით:
საქართველო – საბერძნეთი - 31 აგვისტო, 16:00 საათი
საქართველო – კვიპროსი - 2 სექტემბერი, 19:15 საათი
საქართველო – ბოსნია-ჰერცეგოვინა - 4 სექტემბერი, 16:00 საათი
