ანჩელოტი: "მთელი მატჩის განმავლობაში დარწმუნებული ვიყავი, რომ შემდეგ ეტაპზე გავიდოდით"

მადრიდის რეალის თავკაცმა, კარლო ანჩელოტიმ ლაიპციგთან მატჩის შემდეგ კომენტარი გააკეთა.

"ჩვენ ვეთამაშებოდით მაღალი დონის ოპონენტს, რომელსაც არაფერი ჰქონდა დასაკარგი და თავისუფლად გამოვიდნენ მოედანზე. ჩემი გუნდის თამაშის ხარისხით კმაყოფილი არ ვარ, თუმცა, მთავარია, რომ 1/4 ფინალის საგზური მოვიპოვეთ."

"მიუხედავად იმისა, რომ დაბალი ტემპით ვთამაშობდით, მთელი მატჩის განმავლობაში დარწმუნებული ვიყავი, რომ შემდეგ ეტაპზე გავიდოდით" - განაცხადა იტალიელმა სპეციალისტმა.

შეგახსენებთ, რომ რეალისა და ლაიპციგის მატჩი ფრედ, 1:1 დასრულდა, თუმდა, სამეფო კლუბი ორი მატჩის ჯამში (2:1) შემდეგ ეტაპზე გავიდა.