ანდრე ონანა მანჩესტერ იუნაიტედიდან კარიერას ტრაბზონსპორში გააგრძელებს. მხარეები ერთწლიან საიჯარო ხელშეკრულებაზე შეთანხმდნენ. კამერუნელი გოლკიპერის მოღვაწეობა "წითელ ეშმაკებში" შეგვიძლია შევაფასოთ როგორც წარუმატებელი და ამაზე მისი სტატისტიკა მეტყველებს.
თავად განსაჯეთ - ოლდ ტრაფორდზე ჩატარებულ 102 მატჩში მილანის ინტერის ყოფილმა მეკარემ გაუშვა 150 გოლი და მხოლოდ 24 შემთხვევაში შეძლო კარის მშრალად შენახვა. ამის გარდა, 29 წლის გოლკიპერმა 2023/24 წლებში სეზონში გაუშვა 80 ბურთი, რაც მანჩესტერული კლუბის ანტირეკორდია.
იუნაიტედის 24-ე ნომერმა გადაფარა ალექს სტეპნის "მიღწევა", რომელმაც 1976/1977 წლების სეზონში თავის კარში 74 გოლი მიიღო. უცნაურია, იმის გათვალისწინებით, რომ ონანას ჰქონდა ძალიან კარგი პერიოდი "წითელ ეშმაკებამდე", "ნერაძურიში", სადაც მან 41 შეხვედრაში კარი მშრალად 19-ჯერ შეინახა.
