დღეს, ჩემპიონთა ლიგის საკვალიფიკაციო ეტაპის პლეიოფის ფარგლებში სტამბოლის ფენერბაჰჩე ლისაბონის ბენფიკას ესტუმრება. შეგახსენებთ, თურქეთში გამართულ შეხვედრაში დაფიქსირდა უგოლო ფრე, 0:0. თამაშის წინ, "ლურჯ-ყვითლების" დამრიგებელმა, ჟოზე მოურინიომ თავისი კლუბი გააკრიტიკა.
"მნიშვნელოვანია თუ არა ფენერბაჰჩესთვის ჩემპიონთა ლიგაზე თამაში? ასე რომ იყოს, კლუბის ხელმძღვანელობა არ დაიშურებდა ფულს შემადგენლობის გასაძლიერებლად. ფაქტია, როგორც ბენფიკასთან, ისე ფეიენოორდთანაც, ერთა და იგივე შემადგენლობით ვთამაშობთ.
"
რამდენად მართებულია პორტუგალიელი მწვრთნელის ბრალდება? სტამბოლელებმა გაიფორმეს ნელსონ სემედო, მილან შკრინიარი, სოფიან ამრაბატი, ედსონ ალვარესი, ჯონ დურანი და სხვები. ასევე გამოსარჩევია დორჟელეს ნენე, რომელიც "ლურჯ-ყვითლების" ისტორიაში მე-2 ყველაზე ძვირადღირებული ტრანსფერია (18 მილიონი ევრო).
