ქარიმ ბენზემამ კრიშტიანუ რონალდუსთან ურთიერთობაზე ისაუბრა. პრესაში ხშირად იწერება იმის შესახებ, რომ ჯერ კიდევ მადრიდის რეალიდან მოყოლებული, პორტუგალიელ და ფრანგ ფორვარდებს შორის სუფევს დაძაბულობა, მაგრამ ეს ინფორმაცია ერთ-ერთმა მათგანმა უარყო.
"რონალდუსთან ცუდი ურთიერთობა? არა, უკანასკნელი მატჩის შემდეგ, ჩვენ ვისაუბრეთ და ერთმანეთს ჩავეხუტეთ. უბრალოდ არ ვართ ვალდებულები, რომ ეს ყველაფერი კამერის წინაც გავაკეთოთ. ჩვენს შორის სუფევს მხოლოდ პატივისცემა, ისეთივე, როგორიც ეს რეალში იყო.
ერთმანეთისგან ბევრი რამ ვისწავლეთ. არ გვჭირდება მეგობრობის ჩვენება პუბლიკაზე, ორივეს საკუთარი საქმე გვაქვს გასაკეთებელი. მტრობა და კონფლიქტი კი ჩვენს შორის არასდროს ყოფილა."
