ჩემპიონთა ლიგის ფინალში განცდილი მძიმე მარცხის შემდეგ, ინტერის მთავარმა მწვრთნელმა სიმონე ინძაგიმ მედიასთან საკმაოდ საინტერესო კომენტარი გააკეთა.
"ვიქნები თუ არა გუნდთან ერთად მსოფლიოს საკლუბო ჩემპიონატზე? ნამდვილად არ ვიცი, ამაზე პასუხი არ მაქვს. ახლა ჩემი მომავლის განხილვა არ მგონია სწორი.
მომდევნო დღეებში კლუბის ხელმძღვანელობას შევხვდები, სადაც ყველაფერი გაირკვევა."
ბოლო საათებში გავრცელებული ინფორმაციის თანახმად, სიმონე ინძაგი და ალ ჰილალი შეთანხმებასთან ძალიან ახლოს არიან. მეტიც, ბევრ გამოცემას თუ დავუჯერებთ, მხარეებს შორის ყველაფერი შეთანხმებულია და იტალიელი სპეციალისტი ინტერს უახლოეს დღეებში დატოვებს.
სიმონე ინძაგის თაობაზე უფრო მეტი ინფორმაცია მომდევნო კვირის დასაწყისში გახდება ცნობილი.
