ეროვნული ლიგის მე-5 ტურში საინტერესო მატჩები გაიმართა. ცენტრალური მატჩი დინამო არენაზე შედგა, სადაც დინამო თბილისი გორის დილას დაუპირისპირდა და 1:2 დამარცხდა.
ანგარიში მენთეშაშვილმა გახსნა, გვასალიამ მალევე გაათანაბრა, თუმცა შეცვლაზე შემოსულმა მუსელიანმა გამარჯვების გოლი გაიტანა და დილას 3 ქულა მოუტანა.
საინტერესო გამოდგა სამგურალისა და რუსთავის მატჩი. მიუხედავად იმისა, რომ წყალტუბოელები თავიდანვე მდევრის როლში იყვნენ, ქამბექი შემოგვთავაზეს და 2:1 მოიგეს.
დინამო ბათუმი ამ სეზონში კვლავ დაუმარცხებელია. ზედიზედ სამი ფრის შემდეგ, ბათუმმა საკუთარ მოედანზე ჩემპიონატის ლიდერი სპაერი 4:1 გაანადგურა.
მოქმედმა ჩემპიონმა იბერიამ გაგრა სტუმრად 2:1 დაამარცხა. ანგარიში ქარდავამ გახსნა, ტაიმის მიწურულს მუჯირმა ანგარიში გაათანაბრა. გამარჯვების გოლი 69-ე წუთზე გურამ გოშთელიანმა გაიტანა.
შენგელია არენაზე გიორგი არაბიძის ბენეფისი ვიხილეთ. ტორპედოში დაბრუნებულმა შემტევმა ჯერ გოლი გაიტანა, შემდეგ საგოლე გადაცემა გააკეთა. ერთი გოლი დიეგო დეისაძის ანაგირიშზეა - 3:0.
მე-5 ტურის შედეგები
გაგრა - იბერია 1:2
ტორპედო - მეშახტე 3:0
დინამო ბათუმი - სპაერი 4:1
დინამო თბილისი - დილა 1:2
სამგურალი - რუსთავი 2:1
