ლეგენდარულმა ტიერი ანრიმ თანამედროვე ფეხბურთში თავისი საყვარელი თავდამსხმელი დაასახელა. ვეტერანი ფეხბურთელისთვის ასეთი ფორვარდი ხულიან ალვარესი არის. ფრანგმა ექს-შემტევმა დადებითად შეაფასა მისი უნარ-ჩვევები და იმედი დაიტოვა, რომ მას ლონდონის არსენალი გაიფორმებს.
"ჩემი საყვარელი თავდამსხმელი ამ მომენტისთვის? ალვარესი. ადრეც მითქვამს, რომ ეს არის შემტევი, რომელსაც მოედანზე პრაქტიკულად ყველაფერი შეუძლია. პრესინგი, მოკლე და გრძელი პასებით თამაში, ცოტა ხნის წინ, ხულიანმა ჯარიმაც შეაგდო. ის ახალგაზრდაა, მაგრამ არგენტინელმა ფორვარდმა უკვე ბევრი რამ მოასწრო.
არასდროს გამიგია, რომ ატლეტიკოს თავდამსხმელს უკმაყოფილება გამოეთქვა გადაღლილობის ან სხვა ფაქტორების გამო. იმედი მაქვს, ის თავის უმაღლეს დონეს არ დააგდებს. 25 წლის ფორვარდის თამაშის ყურება ძალიან მომწონს, მაგრამ სამწუხაროდ არ ვიცი, რამდენად შეძლებს არსენალი მის გაფორმებას."
