როგორც პირველ ტაიმში ისე მეორეშიც, “მეთოფეები” მთელი მატჩის განმავლობაში უპირატესობას ფლობდნენ. პირველ 45 წუთში არსენალმა ორი გოლის გატანა შეძლო. ჯერ ოდეგორმა გაიტანა მარტინელის პასით, შემდეგ კი საკამ პენალტი ზუსტად შეასრულა.
მეორე ტაიმი სტუმარმა გუნდმა ისევ შეტევებით დაიწყო, რასაც მალევე მესამე გოლიც მოჰყვა — ბუკაიო საკამ არასამუშაო ფეხით, დუბლი შეასრულა. ინგლისელი შემტევი ფორმას იბრუნებს.
მატჩის ბოლომდე არტეტას გუნდმა კიდევ ორი გოლის გატანა მოახერხა. ჯერ ტროსარმა გამოიჩინა თავი, შემდეგ კი ჰავერცმა მონატრებული გოლი გაიტანა, 0-5 და თამაში დასრულდა.
არტეტას გუნდმა ამ გამარჯვებით 55 ქულა მოაგროვა, რითაც დროებით მეორე ადგილზე გადასვლა მოახერხა.
