მანჩესტერ იუნაიტედის კრიზისი ამ სეზონშიც გრძელდება. იმის მიუხედავად, რომ კლუბს საკმაოდ ხმაურიანი სატრანსფერო ფანჯარა ჰქონდა, ფაქტია საწყის ტურებში დიდად არაფერი შეცვლილა და "წითელი ეშმაკების" პრობლემებს არაფერი ეშველა.
კლუბთან დაახლოებულ წყაროებს თუ დავუჯერებთ, ხელმძღვანელობა რუბენ ამორიმს მხარდაჭერას ამ დრომდე უცხადებს, თუმცა სიტუაცია მალე თუ არ შეიცვლება, პორტუგალიელს გუნდიდან აუცილებლად გაუშვებენ.
მანჩესტერ იუნაიტედს მიმდინარე თვის ბოლომდე ორი მატჩი აქვს დარჩენილი. ოლდ ტრაფორდის ბინადრები 20-ში ჩელსის, ხოლო 27 სექტემბერს ბრენტორდს დაუპირისპირდებიან. რუბენ ამორიმის მომავალი დიდი ალბათობით ამ შეხვედრებში გადაწყდება.
