ჩემპიონთა ლიგის მეოთხე ტურის მატჩში, სადაც პარი სენ-ჟერმენი ბაიერნს დაუპირისპირდა, ტრავმა მიიღო პარიზული კლუბის ერთ-ერთმა ლიდერმა აშრაფ ჰაკიმიმ.
როგორც დღეს ჩატარებულმა გამოკვლევებმა აჩვენა, მაროკოელმა ფეხბურთელმა მარცხენა ფეხზე კოჭის მძიმე ტრავმა მიიღო, რის გამოც პირველადი ინფორმაციით დაახლოებით 6-დან 8 კვირამდე გამოტოვებს.
27 წლის განაპირა მცველმა რეაბილიტაციის კურსი უკვე დაიწყო. მძიმე ტრავმის მიუხედავად, აშრაფ ჰაკიმი იმედოვნებს, რომ აფრიკის თასზე მონაწილეობას მაინც შეძლებს.
