ლეგენდარული შვედი მწვრთნელი, სვენ-გორან ერიქსონი მძიმე დაავადებას ებრძვის და ექიმების განცხადებით, მას ერთი წლის სიცოცხლე აქვს დარჩენილი.
დიაგნოზის გავრცელების შემდეგ, 76 წლის სპეციალისტმა ერთ-ერთ ინტერვიუში განაცხადა, რომ დიდი სამწვრთნელო კარიერის მიუხედავად, ლივერპულში მუშაობის ოცნება ვერ აიხდინა.
ინგლისურმა კლუბმა გადაწყვიტა, რომ ერიქსონს აღნიშნული ოცნება აუსრულოს და 23 მარტს გასამართ საქველმოქმედო მატჩზე, ის ლივერპულის მწვრთნელი იქნება. აღნიშნულ შეხვედრაში ინგლისური კლუბის ლეგენდები აიაქსის ლეგენდებს დაუპირისპირდებიან.
სვენ-გორან ერიქსონმა სამწვრთნელო კარიერა 1977 წელს დაიწყო და 2019 წელს დაასრულა. მან ბენფიკასთან ერთად პორტუგალიის ჩემპიონატი 3-ჯერ, ხოლო ლაციოსთან ერთად სერია ა ერთხელ მოიგო. რომაულ კლუბთან ერთად კი უეფას თასის გამარჯვებულიც გახდა. შვედმა სპეციალისტმა რომასა და სამპდორიაში კოპა იტალიის მოგება თითოჯერ მოახერხა. 2001-06 წლებში ერიქსონი ინგლისის ეროვნული ნაკრების მთავარი მწვრთნელი იყო.
ასრულებული ოცნება - ერიქსონი ლივერპულს გაწვრთნის
