მსოფლიო ჩემპიონატის შესარჩევ ეტაპზე, ესპანეთის და თურქეთის ნაკრებებთან განცდილი მარცხის შემდეგ, საქართველოს ნაკრების ლიდერმა, ხვიჩა კვარაცხელიამ სოციალურ ქსელში განცხადება გაავრცელა.
"პირველ რიგში მინდა მადლობა ვუთხრა ამ ორივე გასვლით მატჩზე ჩამოსულ თითოეულ გულშემატკივარს და ყველას, ვინც გვქომაგობდა. რთული მატჩები გამოვიდა, არასასურველი შედეგებით და სათამაშო ხარისხით. აუცილებელია ყველა პრობლემა გავაანალიზოთ, დავინახოთ, მივიღოთ და შემდეგ თამაშებში გამოვასწოროთ. არ არის პირველი, როდესაც დაბრკოლებების წინაშე ვართ, მაგრამ ერთად აუცილებლად უნდა გადავლახოთ და დავბრუნდეთ გამარჯვებების და პროგრესის გზაზე!" - ხვიჩა კვარაცხელია.
შეგახსენებთ, რომ საქართველოს ნაკრები მომდევნო მატჩს 15 ნოემბერს თბილისში, ესპანეთის წინააღმდეგ გამართავს.
ფოტო: nakrebi.ge
