ალ ნასრი ახალი სეზონისთვის გაძლიერებას განაგრძობს. მოგეხსენებათ, რამდენიმე დღის წინ გუნდმა ჟოაო ფელიქსი დაიმატა.
ამ ტრანსფერში უშუალოდ იყო ჩართული ალ ნასრის პორტუგალიელი ფორვარდი კრიშტიანო რონალდუ, რომლის მიზანია გუნდი გაძლიერდეს და ჩემპიონობისთვის იბრძოლოს.
რონალდუმ გუნდს კიდევ ერთი ფეხბურთელის ტრანსფერი მოსთხოვა - საუბარია მეისონ გრინვუდზე, რომელიც რონალდუსთან ერთად მანჩესტერ იუნაიტედში თამაშობდა.
მიუხედავად იმისა, რომ გრინვუდი რონალდუს პოზიციის მოთამაშეა და მისი კონკურენტი იქნება, კრიშტიანუ თვლის, რომ ინგლისელი ფორვარდი აუცილებლად გაამართლებს და გუნდს გააძლიერებს.
შესაბამისად, ალ ნასრი მზადაა, რომ გრინვუდის ამჟამინდელ კლუბთან მარსელთან მოლაპარაკებები დაიწყოს.
