ჩემპიონთა ლიგის 1/4 ფინალში გამართული მატჩი პსჟ-სა და ლივერპულს შორის, მასპინძელთა გამარჯვებით 2:0 დასრულდა.
მეორე გოლი ხვიჩა კვარაცხელიას ანგარიშზეა, რომელმაც საჯარიმოში იაქტიურა, მეკარე მოატყუა და ცარიელ კარში გაიტანა.
"პსჟ-მ კარგად ითამაშა და ფანტასტიკური გოლები გაიტანეს, განსაკუთრებით მეორე გოლი, ავდექი და ტაში დავუკარი, მსგავს გოლს ბევრს ვერ ნახავთ", - განაცხადა სლოტმა.
შეგახსენებთ, რომ ლივერპულისა და პსჟ-ს განმეორებითი მატჩი ერთი კვირის თავზე, ენფილდზე შედგება.
