რობერტო დე ძერბისთან მოლაპარაკებები უკვე დიდი ხანია მიმდინარეობს, თუმცა ბაიერნისთვის მთავარი დაბრკოლება ისაა, რომ იტალიელს ტოპ გუნდში აქამდე არასდროს უმუშავია. მისი გამოცდილება სასუოლოში, შახტარსა და ბრაიტონში კლუბისთვის საკმაოდ მისაღებია, თუმცა ეს გარიგება გარკვეულ რისკებთან არის დაკავშირებული, შესაბამისად, დე ძერბისთან მიმართებით, ბაიერნი ჯერ არ ჩქარობს გადაწყვეტილების მიღებას.
რაც შეეხება უნაი ემერის, ესპანელის კანდიდატურა ამ კვირაში გამოიკვეთა. ასტონ ვილას მთავარ მწვრთნელზე, გერმანულ პრესაში საუბრები საერთოდ არ ყოფილა, თუმცა, როგორც ჩანს, 52 წლის სპეციალისტი, ბაიერნში ძალიან მოსწონთ. მისი მეთაურობით ასტონ ვილა ჩემპიონთა ლიგაზე გასასვლელად იბრძვის, პლუს ამას, გუნდი კონფერენს ლიგის 1/2 ფინალშიც არის გასული. დე ძერბისგან განსხვავებით, ემერის საკმაოდ დიდი გამოცდილება უმაგრებს ზურგს.
რაც შეეხება ზინედინ ზიდანს, ბაიერნთან დაახლოებულმა წყაროებმა, ფრანგის კანდიდატურაზე გავრცელებული ჭორები, კიდევ ერთხელ უარყვეს.
