რომის ლაციოს მთავარმა მწვრთნელმა, მაურიციო სარიმ, ჩემპიონთა ლიგის მერვედფინალის შესახებ ისაუბრა. შეგახსენებთ, რომ მისი გუნდის მოწინააღმდეგე მიუნხენის ბაიერნი იქნება. იტალიელი დამრიგებლის აზრით, ლევერკუზენის ბაიერთან განცდილი წაგება არაფერს ნიშნავს, ევროთასებზე ქომაგი ნამდვილ "რეკორდმაისტერს" იხილავს.
"თუ ვიფიქრებთ, რომ ბაიერნის დამარცხება შეუძლებელი არის, შეხვედრას არბიტრის სასტვენის ხმის გაგონებამდე წავაგებთ. ენთუზიაზმი და თავდაჯერებულობა უნდა შევინარჩუნოთ. დიახ, მეტოქე მართლაც მრისხანეა და გერმანიის ჩემპიონატის ბოლო ტურში განცდილი წაგება საერთოდ არაფერს ნიშნავს.
ჩემპიონთა ლიგაზე მიუნხენელები ძველებურად უშეცდომოები და დაუნდობლები არიან. არ გავიმეორებთ იმავე შეცდომებს, რაც იტალიის სუპერთასის ნახევარფინალში ინტერთან დავუშვით. "რეკორდმაისტერის" შესაძლებლობებს ადეკვატურად ვაფასებ, მაგრამ არ მიმაჩნია, რომ ლაციო განწირულია", - განაცხადა "ბიანკოჩელესტეს" დამრიგებელმა.
