2025 წლის გერმანიის სუპერ თასისთვის ბრძოლაში მიუნხენის ბაიერნი შტუტგარტს დაუპირისპირდა და მეტოქე 2-1 დაამარცხა.
შეხვედრის ანგარიში მე-18 წუთზე მიუნხენელთა ფორვარდმა, ჰარი კეინმა გახსნა, ხოლო 77-ე წუთზე ლუიშ დიასმა ბაიერნში სადებიუტო გოლი გაიტანა და სხვაობა ორამდე გაზარდა. მსაჯის მიერ კომპენსირებულ მე-4 წუთზე ჯეიმი ლეველინგმა ერთი ბურთი გაქვითა და საბოლოო ანგარიში, 1-2 დააფიქსირა.
შტუტგარტი 1-2 ბაიერნი
გოლები: 0-1 კეინი (18'), დიასი (77'), ლეველინგი (90+4')
აღნიშნული გამარჯვებით მიუნხენელებმა მე-11 გერმანიის სუპერ თასი მოიგეს. აღსანიშნავია, რომ 2025 წლიდან ტურნირი ლეგენდარული ფრანც ბეკენბაუერის სახელობის გახდა.
