ბაიერნმა ვერდერი გაანადგურა — კომპანის გუნდი საოცარ ფორმაშია

ბუნდესლიგის მე-4 ტურის მორიგი შეხვედრა ბრემენში გაიმართა, სადაც ვერდერმა ბაიერნს უმასპინძლა და უშანსოდ, 0:5 განადგურდა. ვენსან კომპანის გუნდმა საოცარი პერფორმანსი შემოგვთავაზა და მეტოქე ყველა კომპონენტში დაჯაბნა.

ვეზერ სთედიუმზე შეკრებილმა მაყურებელმა ბაიერნის სრული დომინაცია იხილა, სადაც "რეკორდმაისტერს" მაიკლ ოლისემ ულიდერა — 22 წლის ფეხბურთელმა ორი გოლი და ორი საგოლე გადაცემა შეასრულა. ბაიერნის მხრიდან თავის გამოჩენა ასევე, მოახერხეს ჯამალ მუსიალამ, ჰარი კეინმა და სერჟ გნაბრიმ.

კომპანის გუნდმა ოთხიდან ოთხი შეხვედრა მოიგო და სატურნირო ცხრილს 12 ქულით სათავეში ჩაუდგა.